Snældan er falleg færeysk ull sem hefur verið blandað við falklandseyja ull til að ná fram meiri mýkt.
Snældan kemur í fallegum jarðlitum sem ekki eru litaðir heldur er ullin flokkuð eftir litum. Allir sauðalitir koma í 100 gr hespum og lituð Snælda kemur í 50 gr hespum.
Garnið er þriggja þráða og svokallað "woolen spun" þráður sem þýðir að ullarþræðirnir stíngast í allar áttir. Þannig verður til mikið loftrými inní þræðinum. Þetta loftrými sem myndast býr til mikla einangrun og gerir ullina mjög hlýja og einnig mjög létta.
Snældan hefur náttúrulegt lanolin og blómstrar fyrst þegar hún er þvegin. Þá kemur meiri fylling í flíkina sem er prjónuð.
