Heiðarprjón inniheldur 25 uppskriftir að sígildum og fallegum flíkum fyrir konur; hnepptum og heilum peysum í fjölbreyttum stærðum, kjól, pilsi, vesti og ýmsum smærri prjónaverkefnum.
Í bókinni er einnig að finna hagnýtar upplýsingar um ýmislegt sem viðkemur prjónaskap, eins og kaðla og fléttur, úrtökur og aukningar, mismunandi aðferðir við að fitja upp og fella af, styttar umferðir og margt fleira.
Lene Holme Samsøe er þekktur danskur prjónahönnuður. Hún hefur sent frá sér fjölmargar uppskriftabækur sem njóta mikilla vinsælda og er Heiðarprjón fimmta bókin sem kemur út eftir hana á íslensku.
Bókin er sannkölluð perla og uppflettirit til margra ára. Hér er klassísk bók á ferð sem prjónarar ættu ekki að láta fram hjá sér fara.
